Hit The Scale - VÆNTANLEGT

Hit The Scale er skemmtilegt partýspil þar sem reynir á innsæi, hugmyndaflug og hversu vel þið þekkið hvert annað. Í hverri umferð velur einn leikmaður tölu á meðan spyrillinn lokar augunum. Spyrillinn reynir svo að finna töluna út frá svörum hinna leikmannanna.

Spyrillinn dregur spil með fjórum spurningum og spyr leikmennina.
Leikmenn velja svör sem gefa vísbendingu um töluna sem þeir völdu.

Tölurnar eru frá 1 til 10 — þar sem 1 er verst og 10 best. Þegar allir hafa svarað giskar spyrillinn á töluna. Markmið allra er að hjálpa spyrlinum að hitta rétt!

Dæmi:
Talan er 8. Spyrillinn spyr um bílategund, gosdrykk, mat og áfangastað. Svörin gætu verið Volvo, Fanta, hamborgari og Barcelona — en getur spyrillinn ráðið töluna út frá vísbendingunum?